Tiana愛旅行

沿著指示走, 不久就會見到長樓梯, 爬到上去就會見到城牆了^^ 往左走~

其實我地都冇跟什麼攻略路線, 因為入到去都幾混亂,
完全吾知自己係邊度, 其實書有介紹1.5至5小時的參觀路線, 不過我地都懶得研究, 亂咁行算……

首先去左「埃及美術館」, 真的木乃伊呀@,@緊張
 

超多作品, 部份作品下面會有一個紅色圓圈headphone公仔數字,
在audio guide輸入呢個數字就會有相關的講解, 其實有少少後悔租左,
因為佢講完我都吾多明佢講乜, 因為我冇讀過世史,
對呢d人物背景完全零概念~
睇呢個室的作品, 老實說, 雖然很壯觀, 不過好悶……
呢個室參觀完要行回頭路出去繼續參觀路線

再之後我都吾知自己去左邊, 不過我唸我地應該幾乎行晒咁多個館,
因為我們總參觀時間竟然用左4小時, 仲要係走馬看花咁直行直過, 冇乜細心欣賞

天花板一樣極至華麗

博物館內, 所有人個頭都係呈呢個角度的@.@

哇, 行到腳都斷……到最後已經吾知自己睇緊乜, 淨係想快d到出口

終點站西斯汀禮拜堂終於到了, 感謝主, 雖然話吾俾影相,
但係d人多到咁, 試問佢又點管得住呢……

西斯汀禮拜堂有兩個出口, 一個在右上角, 一個在左中,
右上角戈個係團體出口, 直通聖彼德大教堂登頂入口,
而左中戈個係個人出口, 會去到郵局同埋螺旋階梯,
呢兩個地方係必去的, 而且要還返部audio guide俾佢取回passport,
所以一定要行左中的出口

窮遊網有攻略叫人還返audio guide之後
原路走回頭去返西斯汀禮拜堂再由右上角團體出口通去聖彼得大教堂,
可以慳返一次安檢, 吾洗係聖彼得廣場暴曬, 係, 確實咁樣係快好多近好多,
不過原路行返去其實都頗遠, 而且人多的時候, 你係逆流而上, 好奇怪的~
最重要的是, 中午時份要祭下五臟廟, 咁肚餓又點去登頂呢~

寄返澳門要€1.6, 貴到暈呢!!
不過黎到呢個世界上最小的國家, 宗教的發源地, 你局住吾寄都吾得, 真係吹佢吾脹=.=”

出口
 

下圖為入口…出口好明顯比入口更似入口啦下嘛~
出到黎都成1點幾, 已經冇乜人排隊了

 

填飽個肚又出發去 Piazza San Pietro聖彼得廣場排隊安檢, 超級無聊,
見到咁多人又吾開多兩條line, 意大利人係咁懶散,
估吾到梵蒂岡人都不外如是係悠閒一族, 貫徹著「你有你排, 我有我hea」的宗旨,
差在未係你面前捧起杯咖啡飲返兩啖再同你做~ 我應該感恩吧, 條隊只係圍住半個廣場
 

在不得已的情況下我們只好擔遮了XD , sorry for 影響梵蒂岡的市容,
不過如果我地再暴曬落去, 返到黎澳門就會影響澳門市容, 所以還是厚著面皮打傘吧

爬上去也是為了這個景致^v^

走過聖天使橋Ponte S. Angelo, 向左沿著林蔭大道走,
直至見到溫伯特I世橋Ponte umberto I,
然後轉右過大馬路直走就會到納佛那廣場Piazza Navona

呢個廣場有三個噴泉

中央的最著名, 四河噴泉Fontana del Fiumi, 連埋方尖碑太大了,
很難拍照, 四尊圍繞方尖碑的雕像分別代表恆河, 尼羅河, 多瑙河, 拉布拉多河~

最南端的摩爾人噴泉Fontana del Moro

廣場上仲有好多人做show, 不過可惜遊人較少, 氣氛麻麻地,
由北至南行完呢個廣場之後左轉穿過小街後就到達萬神殿Pantheon, 天色已暗了

 

最後也終於去到許願池, 呢個池真係大到……冇廣角好難影得晒lo

呢個咁出名的噴泉真名叫特萊維噴泉Fontana di Trivi, 因為太多人黎許願先有許願池呢個名~

已經差吾多8點…但依然係好多遊人, 好難先攝到個位入去影返張相,
至今已200多年歷史的噴泉, 仲用花左300幾年時間完工,
即係佢500幾年前, 14xx年已經出世, 真係吾簡單呀~