02/10/2011(Sun.)
Firenze SMN 佛羅倫斯 >> Pisa 比薩 >> leaning tower/Torre di Pisa 比薩斜塔
今天出發走訪另一世界遺產，比薩斜塔leaning tower/Torre di Pisa,
由Firenze SMN坐火車去Pisa Centrale大約1小時，
出車站之後向北，即係12點方向直行好快見到阿諾河，
係琴晚Firenze經過戈條河，同一條黎ga，好神奇的感覺^^景色仲十分相似
過左河再行多陣就見到今天的主角了，比薩的天更藍，萬里無雲，太陽極狠….
某個角度影的斜塔一點也不斜，應該與傾斜的角度有關，
如果你剛巧站的位置與塔的傾斜角度成同一直線時就不會看到它斜了，
所以只要見到好多人擺緊托塔或推塔pose的位置，就是影斜塔的絕佳位置了
搜尋最最陰的地方影下相先^^
一直很想在外國躺在草地上悠閒的拍照，不過原來草地是很很很髒的，
今天還穿了白色衣服，還是不要變dirty cat了
奇跡廣場的三大建築分別是主教座堂，洗禮堂和鐘樓
不過因為地基泥土問題，鐘樓斜了，成了斜塔，成了世遺，成了今天的主角，
鐘樓可以登頂，不過聽人話會行斜的樓梯行到好頭暈，放棄了，
呢度的景色真係好靚，如果冇左洗禮堂上的橙色瓦片，就會得返藍，白，綠，很希臘~
認真留意會發現前面的草地沒有人，不知何時開始這裡的草地範圍不能進入，
以前睇相會見到好多人在草地上擺著種種搞笑動作，現在只能在外圍拍照了，
真見過有人闖入草地被人吹BB警告離開呢
食飽lunch太陽好似冇咁狠了，繼續影影影，循例都要推一張，托一張ge
仲影左好多相呀, 呢度真係一個癲喪影相的好地方,
幾個人同個塔可以影到好多好痴線的相, 哈哈哈哈~~
不過如此瘋狂的相還是留為"己"念好了，別亂放出來招殺身之禍
坐火車離開這個小鎮了
其實要到比薩斜塔除了這個大車站----Pisa Centrale外
還有一個Pisa S. Rossore，是Pisa西邊的一個車站
而這個車站離Piazza dei Miracoli奇蹟廣場近很多
看綠色線和藍色線比較
但是由Florence/Firenze SMN直達Pisa S. Rossore的火車班次較少
一般都要在Pisa Centrale轉車，雖然不遠，大約5分鐘的車程
不過到外國旅行，只要能走的，我都比較傾向走路
可以亂逛一些小商店，或者偶遇一些特色建築
好過一下車便到觀光景點呢
返到Firenze已經4點幾，
本來仲想去埋梅第奇家禮拜堂的，又無緣了，牛肚包仲已經收埋檔tim…>_<
返住處小休片刻再出黎行多陣街，NN血拼起勁，買左兩個袋，我就買左個銀包俾媽咪~
跟住食晚餐，再去超市買左酒同埋蛋糕一齊返去宵夜，咁就結束左Firenze的行程了，
好可惜呀，其實佛羅倫斯的景點有好多都冇去到
聖母百花大教堂的圓頂，我成日覺得仲靚過Vatican的聖彼德大教堂圓頂，
出發前仲唸住一起要登頂的，點知去完鐘樓食野太hea了，搞到趕吾切>_<
遺憾呀，老橋只係係對面影相，都未上過去，只怪我地太悠閒了，
在pisa玩得太耐，而第一日又貪睡了一點點呀>_<
還有牛肚包, 好想好想試下啊
至於學院畫廊同埋uffizi博物館是我們一早也沒預算要去的，
皆因自問藝術水平太低，花上大半天的時間可能都未必識欣賞，
當然，這兩個地方也挺值得去的，只是時間有限的情況下，他們就不得已被放棄了……
留言列表
Tiana 遊記 (8)