Tiana愛旅行

今朝起身睇到新聞報導「華人家庭羅馬遭劫殺2死1傷」,

講羅馬一對華人夫婦及其女兒被劫殺,
該對華人夫婦於羅馬經營找換店, 初步估計劫匪係跟隨左佢地好多日,

知道佢地身懷巨款, 所以就持槍搶劫, 劫走五千歐元（約港幣五萬元）。

報導結尾更指出：羅馬治安近年有惡化跡象，僅過去一年，便發生三十五宗兇殺案。

此文與大家分享今次行程遇到的騙錢黨......

意大利治安差係眾所周知, 當身邊朋友知道我地4個女仔要去意大利自由行時,

都紛紛出言相勸(部分更出言恐嚇), 講什麼入黑就不能在街上遊走,

光天化日都可以明搶, 總之就好替我地擔心, 亦千叮萬囑叫我地一定要小心提高警惕


當然佢地講ge我都略有所聞, 要去意大利旅行,

我事前係網上面睇過好多關於治安的文章,
有人將親身經歷寫出黎, 確係幾嚇人,

不過呢d都係少數je, 好多人都平安歸來丫  

準備到意國旅行的朋友不得不知道--吉卜賽人 / gypsy / 吉普賽人--

佢地係一個散落於歐洲各國的流浪民族,

而吉卜賽人呢個稱呼某程度上存在一點歧視, 一點貶義,

甚至係乞丐, 小偷的代名詞,

有人形容佢地係魔術師般的神偷,

anyway, 既然有咁ge傳言當然有其原因啦, 作為意大利過客的我們亦應小心為上

意大利達人Sharpe話

如果在街上, 看到一些衣著很似「嬉皮士」, 就是頭髮有點亂及乾旱...

他們衣著的品味, 您會感覺到跟街上其他外國人穿得有點不太相似的...

這個時候就要好好的注意了...
因為95% 的機會, 他們就是ZINGARO (吉卜賽人/ 吉普賽人/ GYPSY )。

他們的組合一般都是:

1) 一大班小朋友
2) 一小群青年人
3) 一個婦女, 配上 1-2個小朋友, 而大多這個婦女會背著一個小BB

 

而出現地點就係：

1) 火車站/ 巴士站等等, 公眾運輸的地方
2) 一些景點的周圍
3) 人流多的大街上
4) 如果會在義大利自駕的, 他們也會出現在公路口的紅燈燈位置
  

等等……

 
圖片及資訊摘自Sharpe Law--
~ Adesso e Futuro ~ 一個人出走意大利。自由旅行大世界 »
開始到義大利自由行。意大利治安問題大集合, 注意看全新一輯「Italia警訊」啦!!
http://www.sharpelawtravel.com/?p=2836

Sharpe Law blog內有非常詳盡的意大利資訊，推~~

PPPPPPPPPPPPPPPPPPPPPPPPPPPPPPPPPPPPPPP
PPPPPPPPPPPPPPPPPPPPPPPPPPPPPPPPPPPPPPP

此行touch wood冇遇到任何不幸, 但係都見到有不少騙錢黨…  

u  例如係火車/地鐵站,會有人企係部售票機隔離, 教你點買火車票/地鐵票,

     教完你就怨住你, 好似吊靴鬼咁要你俾錢, 我地ge應對辦法就係吾理佢, 當睇佢吾到, 佢又吾奈你吾何……

u  又例如係威尼斯的聖馬可廣場/米蘭大教堂前地, 會有人俾雀粟你, 要強調的是「俾」,

     好似吾洗錢咁塞俾你, 當你接左手…就死了, 吾洗指意可以還返俾佢, 只可以俾錢佢……

     好癲......聽講有d係革硬綁手繩係你手....再問你討錢的

u  係羅馬的人民廣場(波波洛廣場)又遇到類似情況, 不過佢吾係俾雀粟你,

     而係送玫瑰花俾你, 今次佢話係free…不過我緊係吾信啦,

     當我個人陰謀論又好, 咩都好啦, 如果真係有人係條街度周圍免費送玫瑰花…

     咁就當我以小人之心度君子之腹好了…

u  而鬥獸場周圍會有D勇士著晒盔甲好熱情話同你合照,

     影完誠惠20歐羅, 千其吾好以為吾洗錢走過去同佢影呀, 全部都係吸血鬼黎ga

u 仲有意大利到處都有黑人擺街邊檔賣A貨, 咩名牌都有,

     好似我地祖國咁...最癲ge係見到身光頸靚的外國人幫襯=.=

↓相入面著紅色盔甲戈位哥仔又係度招緊水魚喇  

因為呢度d小偷壞人惡名昭彰...搞到我地警戒心極重...
有外國人主動話幫我地影合照, 我地都say no, thanks呀...  
好驚佢會拎左我部相機走......雖然吾係好值錢...但係入面d相多多錢都買吾到ga嘛

我所見到的就係咁多, 小偷冇見過, 被一大班人圍住黎搶錢都冇試過,

假警察亦冇遇到, 真好彩呀, 不過可能因為我地共有4個人, 比較難落手,

而且我地冇任何名牌係身, 一睇就知係窮人一族……

今次ge旅程, 我地係好好彩, 其實去邊度玩都要小心d財物, 同埋要注意人身安全呀!!!