之後行去鮮花市集睇野, 再去威尼斯廣場, 古羅馬市集, 到最後的主角---鬥獸場
啡色框框的係食肆區, 戈度有好多各式各樣的意大利餐廳^^
而真言之口同埋鎖匙洞最後冇去到~
好~~~出發!!!!
係坐霸王車=v=嘿嘿, 因為一去到巴士站就見到想搭戈部車,
又未到有飛賣的書報攤, 咪爬左上車先算咯, 根據我地多日的經驗,
呢d cheap cheap大眾運輸係冇人檢票, 冇皇管的~
吾理了, 檢到咪扮吾識囉, 我們是這樣打算的, 哈哈,
怪只怪ROMA PASS sold out啦, 我地都吾想ga^^
經過教堂後左轉就去到鮮花廣場
呢個真係賣雜貨加蔬果的市集, 呢度的市集實在乾淨過澳門的街市太多了
蔬菜又好新鮮, 仲有好多不知名品種tim
可惜我地黎羅馬撞吾正星期日, 旅遊書介紹過星期日的古董市集,
多好多古靈精怪的東西, 好似比較吸引, 不過從好的方面唸,
咁樣可能避過一場血災呢XP, 慳返一筆, hehe
沿路行返轉頭去到威尼斯廣場Piazza Venezia, 一影呢d相就感到偏光鏡的重要性…
猛烈的太陽底下…所有相片除了過暴…還是過暴…只怪我條頸不願被重重的單反折磨十多天
不過半專業級其實要影得冇咁過度暴光也是有一點兒技巧的, 只是艷陽掛在頭頂, 我都冇閒情逸緻去慢慢調較~
呢個廣場其實影相幾靚ga, 草地很綠, 好想行埋去同佢近距離影下相, 可惜, 我很怕曬……
經過呢個廣場背面條大馬路行去,
遠遠看到鬥獸場, 好似海市蜃樓一樣…咁夢幻…定係我曬到眼都矇晒呢……
右手邊就係古羅馬市集Foro Romano, 超及無敵大廢墟
鬥獸場€12的門票係包埋呢個大廢墟入場費的, 不過, 要我落去暴走嗎?
太陽伯伯力勸我吾好傻仔了, 哈哈,
其實我有一刻想連鬥獸場都吾入去,
慳返€12係出面影相算了, 裡面不也是一片廢墟=.=”
而且重點是真的很曬……最後當然都有入去啦, 一場黎到,
而且撞正吾算多人排隊, 本來ROMA PASS包入場卷仲要免排隊ga嘛, 提起就無明火起!!
哇, 鬥獸場Colosseo, 終於來到了, 好感動~~
收起tripod拍拍羅柚走人的時候見到有食蕉哥哥黎趕人先知~
其實都吾少人, 不過起碼未排到出鬥獸場外, 仲可以遮下蔭~
鬥獸場內部, 哇, 好大好壯觀呀~真係好難想像呢度以前係怪獸同埋人撕殺的地方呢!
睇下本小姐已經曬成85% chocolate了, orz……….
行完呢個羅馬必到的最後景點後, 我地已經被蒸乾得七七八八
連凱旋門都只遠觀算了
快快找地方填飽個肚, 按照原定計劃, 我地仲要去真言之口同埋鎖匙洞的,
不過……在紫外線指數爆燈的情況底下, 我們一致放棄了,
還是坐地鐵回住處附近, 食下雪糕, 行下街好了
(想知鎖匙洞係咩黎??click去窮遊網睇睇啦→鎖匙洞 )
就這樣完成了羅馬的旅程, 雖然困難重重,
但最後重要的必遊的我們都到過了, 都算對得住自己啦~
第二朝收拾細軟, 臨別依依, 我同NN要返米蘭了
當我地兩個一臉不捨咁回頭時
見到ge竟然係S小姐和K小姐大搖大擺, 瀟灑萬分的背影
太過份
留言列表
Tiana 遊記 (8)