03/10/2011(Mon.)
9點幾坐歐洲之星出發到羅馬, 從前, 我眼中的意大利就只有羅馬,
應該說, 我所知道的意大利城市就只有羅馬, 或許因為鬥獸場太有象徵性了,
想起意大利就想起羅馬, 想起羅馬, 腦海就自然浮現出鬥獸場,
這是我對意大利的遠古印象, 今天終於要踏足呢一個地方,
真係要講返一句, 又緊張又興奮呀
落火車後第一時間係要買ROMA PASS, 山長水遠去到26號月台附近的i,
竟然寫住sold out, OMG
乜有咁ge一回事?
之前見咁多人黎都未聽過會買吾到ga喎, 真係可惡呀, 咁咪要用多好多錢
ROMA PASS係最抵ga嘛, 試過去其它書報攤都話賣晒,
要星期四先再公開發售呀, 即係我地走戈日=.=” 真想講返句TMD…
算了, 先找住處地址, 安頓好之後就爬出黎, 唸住搭地鐵展開第一天奇妙之旅啦
, 咩事???(其實我仲一度懷疑這個到底是否地鐵站....這...實在太不像樣了)
見到有d當地人都一臉愕然咁走返轉頭,
唯有去返termini個地鐵站睇睇咩事啦, oh god, 原來今日玩罷工
太過份, 有冇咁黑仔呀
算啦, 醫飽個肚食左lunch先, 之後就開始暴曬暴走了, 真係吾方吾奇妙=.=
仲要將今日的行程倒轉黎行
本來係坐地鐵去到最遠, 然後慢慢行返返黎Termini,
E+就係由Termini一路行去, 行到最遠的景點再坐返MTR返黎
今天的行程係紫色線
由下至上, 右至左 (六合彩嗎?
)
安傑利聖母教堂Santa Maria degli Angeli, 呢個以大浴場遺址為門面的教堂,
令我地感受到……噢~羅馬果然是一個廢墟
\
之後向勝利聖母教堂Chiesa di S.Maria della Vittoria走去
呢間教堂在<<天使與魔鬼>>中象徵火的教堂, 外牆正在維修保育, 十分不起眼,
去到的時間正值中場休息時間>_<
要15:30/16:00先開門, 意大利人中午休息時間實在有夠長的
看看網路搜回來的圖片好了↓↓↓
唯有放棄啦, 一陣都冇乜可能會行返轉頭, 下次有機會一定要去,
因為呢間教堂入面極度華麗, 有人曾經這樣形容這間教堂：
「是著樸素大衣的貴婦把樸素土氣的大衣一脫裡面卻是華麗低胸的鏤空晚禮服還露出一點性感內衣的蕾絲出來」
從容易走漏眼呢!可惜不能內進, 看看貝尼尼的大作「聖女大德蘭的狂喜」,
據說呢座雕像本來要放在梵蒂岡內,
但因情慾表現明確而被流放在羅馬一座不起眼的教堂裏,
當然經過<<天使與魔鬼>>的宣傳後, 教堂便熱鬧起來!
轉左再前行好快到達巴貝尼廣場Piazza Barberini, 經過蜜蜂噴泉
呢度有兩個可參觀的地方, 分別係教堂同埋納骨堂,
教堂在最頂層, 即係行兩層樓梯到達的位置,
而今次的重點當係係納骨堂啦, 出入口就在右手邊上一層樓梯的位置,
即中層右邊, 還要排隊呢!
納骨堂雖然話吾洗入場費, 但係€1的損款係必收的,
佢真係會攤大手板同你收, 入面吾可以影相, 出入口處就有明信片賣~
成間納骨堂就只有一條走廊咁長, 除非你真係極細心咁欣賞,
如果吾係其實10多分鐘乜都行完
不能拍照, 網上圖片↓↓↓
走廊邊分開數個陳列間, 每一part都係用人骨切出來,
連燈都係一樣, 仔細留意見到佢D骨係有釘的, 用釘釘上牆上, 恐怖……
據旅遊書話, 呢度的擺設係用4000多尊的修道士骨骸切成的……
經過巴貝里尼廣場中的特里尼噴泉, 我地向西班牙廣場Piazza di Spagna進發
遊人爆滿
曬爆的西班牙台階, <<羅馬假期>>主要場口喎, 不過我冇睇過, 好似係五六十年代的電影~
由破船噴泉望向康多提大道Via Condotti
成日都吾明噴泉d水點解會源源不絕, 山水?
據說羅馬的噴泉大大小小有3000幾座=.=”
又有噴泉之都之稱(哇, 好似讀緊地理歷史咁~)
除左佢ge出處, 我仲好想知d水流左去邊,
斷估吾會去左污水處理廠呱, 吾通流入大海??
咁羅馬的下水道一定非常之咁錯綜複雜了@.@”
快步走過康多提大道, 呢道除了遊人多, 就是名牌多
途經聖卡羅‧科索教堂Chiesa di S. Carlo al Corso, 又係表面平平, 內裡奢華的教堂~
不久又見一間教堂, 大熱天暴走暴曬, 遇到一間間免費入內的教堂,
必然入去坐坐走走, 消暑降溫效果奇佳^^
宗教信仰者或攻讀建築學之人士應該對我們這思想+行為極度鄙視吧……
看到不少誠心的教徒, 也有教授帶一班學生參觀,
我們卻悠悠地hea, 真有點兒羞羞臉……
左邊是橢圓形頂，右邊則是圓形頂, 真不愧為孖胎教堂, 完全看不出來耶~
爬上旁邊的山丘上望到廣場的全景
6點多, 夜幕低垂的人民廣場
地鐵罷工結束, 75mins的票€1, 我們從Popolo的地鐵坐回Repubblica,\
到旅遊書介紹的六本木餐廳晚膳, 結束羅馬行程的第一天~
老實說, 第一天對羅馬的印象不太好, 地方髒得可以……
而那些廣場, 連半處遮蔭的地方也沒有, 中午時分, 太陽火焰高高掛,
對建築學毫不了解的我們, 實在有點不懂欣賞呢, 看著一個又一個的噴泉,
其實也沒多大的感覺, 而康多提大道, 名牌店我們是免疫的, 所以也沒有興奮得大出血,
當然罪魁禍首是停售的ROMA PASS和罷工的地鐵
令羅馬的旅程未開始已有點無奈~
留言列表
Tiana 遊記 (8)